De Naoste

Een bekende vraog is nog altied
wie is eigenluk mien naoste
Is dat die iene op ’t scharm wied vut
of wacht der iene op mij hiel dichtbij

Veur die iene in een aander
heb ik mien giro bij de hand
Maar diegene bij mij is de buurt
die gao ‘k veurbij, daor heb ik niks mit

Nou ja, ’t ligt er wel an wie ’t is
Mien vrienden magt mien naosten wezen
goeie bekenden kan ok nog net
Maar niet hij of zij waor ik niks mit heb

Ik weet het,’t is niet goed ’t mut aans
maar ik bin nog steeds niet zoveul maans
Heur daor rup iene naor mij,
maar weer gao ik an de overkaante veurbij

Hier kan en mag ik niet verder gaon,
ik mut bij hum blieven staon en luustern
naor wat hij zeg, mij inleven in zien verhaal
dan kan ik hum anspreken in zien verhaal

Het is niet altied de gemakkelukste weg
maar ’t is wel de weg naor Gods Koninkriek
Op die weg vien ik de mens as mien naoste
en bint wij mens zo God het bedoeld hef

gedicht van Lambert J. ter Haar

De Menu knop brengt je naar de bestuur,
jaarverslagen, financiën, sponsors
of foto pagina’s